Gin-report ni Commodore Jay Tarriela, spokesperson sang Philippine Coast Guard (PCG) sa West Philippine Sea, nga nagpadayon ang barko sang China Coast Guard (CCG) sa agresibo nga mga aktwasyon batok sa BRP Cabra sang Pilipinas.
Kahapon sang hapon suno kay Tarriela, pila ka beses nga nagtuyo ang CCG vessel 3302 nga bungguan ang PCG vessel samtang yara sa 98.31 nautical miles halin sa Palauig Point, Tumalog City, Zambales.
Bangud nakahibalo maglikaw ang barko sang Pilipinas, nag-deploy pa gid ang CCG sang mas gamay kag mas madasig nga sakayan nga amo ang CCG-21612.
Apisar sini suno kay Tarriela, nagpangibabaw gihapon ang seamanship kag abilidad sang mga taga-PCG batok sa duha ka CCG vessels.
“Despite these aggressive actions, the professionalism, composure, and seamanship of the PCG sailors have successfully outmatched the reckless tactics employed by the two China Coast Guard vessels. The BRP Cabra continues to shadow and challenge CCG-3302, demonstrating unwavering resolve in the face of intimidation,” suno sa PCG spokesperson.
Sang Domingo, ang amo man nga barko ang nag-ikog, nagbalabag, kag nagpinalapit sa BRP Cabra samtang yara sa distansya nga 170 nautical miles halin sa baybayon sang Zambales.
