Ginpagwa na ni Secretary of State Marco Rubio ang first stage sang mayor nga plano para sa pag-reorganize sa US State Department paagi sa mga pagbag-o nga magakakas sang 132 domestic offices, magasipa sa kapin 700 positions sa Washington, DC, kag magasirado sa mga opisina nga naga-focus sa war crimes kag global conflict.
Ginpanindugan sang State Department nga kinahanglan ini nga mga pagbag-o agud mapabilin ang pagkaepektibo kag relevance sini.
Suno sa isa ka senior State Department official, bloated ang department organization chart subong kag may indi maayo nga epekto sa foreign policy kag relevance sang departamento.
Suno pa sa senior State Department official, indi man magresulta sa gilayon nga pag- layoff ini nga tikang apang magapatimaan ini nga madulaan sang trabaho ang mga opisyal.
Bilang kabahin sang reorganization, 700 positions sa sulod sang Washington headquarters ang ginalauman ng dulaon.
Kabahin man sang plano amo nga ang Under Secretaries ang magapasal sang plano sang pagbuhin sang mga empleyado sang 15 percent, bilang pagsunod sa President’s Workforce Optimization Initiative.
