Totally burned ang duha sa tatlo ka mga pamalay sa nagluntad nga sunog sa Barangay Cadagmayan Norte, Sta. Barbara, Iloilo.
Ang totally burned nga mga balay ang ginapag-iyahan nanday Rhea Faustino, kag Raymundo Garcia.
Samtang ang partially burned naman ang ginapanag-iyahan ni Abner Garcia.
Sa interview sang Bombo Radyo kay Fire Officer Michael Gallego, imbestigador sang Bureau of Fire Protection (BFP)-Sta. Barbara, iya ginpahayag nga nakabaton sila sang kaina sang kaagahon.
Suno kay Gallego, madasig nga naglapta ang kalayo nga nagtupok sang tatlo ka panimalay sang magparentihanay.
Ginkumpirmar man ni Gallego nga may yara sang gamay nga porsyon sang Chapel sang nasambit nga Barangay ang nalab-ot sang kalayo.
Base sa initial nga imbestigasyon, posible nga naghalin ang kalayo sa kusina sang isa sa mga nasunogan nga balay.
Nahibaluan nga may yara sang 21 tanan ka mga indibidwal ang apektado sa nasambit nga sunog nga sa subong, temporaryo nga nagatiner sa chapel sang barangay.
Wala naman sang may nasamaran sa nasambit nga insidente.
