Gin-deploy sang Estados Unidos ang ila nga aircraft carrier sa Philippine Sea inadlaw matapos gin-report nga nasiplatan man sa north Luzon ang aircraft carrier kag iban pa nga warships sang China.
Suno sa US Navy release, ang Nimitz Carrier Strike Group nga ginapangunahan sang flagship nga USS Nimitz (CVN 68) ang naga-operate na sa Philippine Sea kasunod sang scheduled port visit sa Guam.
Pahayag sini, naga-demonstrar ini kun ano ka handa ang barko sa operasyon kag nagapakita man sang commitment sang US Navy sa malinong nga Indo-Pacific region.
Magluwas sa Nimitz (CVN 68), nalakip sa strike group ang Carrier Air Wing (CVW) 17, kag Destroyer Squadron (DESRON) 9 ang ginabug-usan sang USS Gridley (DDG-101), USS Lenah Sutcliffe Higbee (DDG-123), USS Curtis Wilbur (DDG-54) kag USS Wayne E. Meyer (DDG-108).
Ini nga mga barko ang naga-operate sa U.S. 7th Fleet area of operations nga amo ang pinakadako nga forward-deployed numbered fleet sang US Navy.
Matandaan nga sang Huwebes, ginkumpirma sang Armed Forces of the Philippines (AFP) ang presensya sang Chinese aircraft carrier Shandong samtang yara sa kadagatan nga sakop sang Pilipinas.
May iban pa nga barko sang China nga yara sa lugar nga wala man nagasabat kun maradyuhan sang Philippine Navy.
