Ginabanta nga 10,000 ka mga bakante nga trabaho ang nagahulat para sa mga Ilonggo nga nagapangita sang ubra sa Labor Day Job Fair sang Department of Labor and Employment (DOLE) sa Iloilo.
Hiwaton ini sa Robinson’s Place sa Ledesma Street, Iloilo City .
Sa interview sang Bombo Radyo kay Atty. Jorge Ferraris II, OIC-head sang Technical Support Service Division-Employment Promotions and Workers Welfare, iya ginpahayag nga magapasakop sa job fair ang 106 ka lokal nga mga kumpaniya kag lima ka overseas companies.
Suno kay Ferraris, may yara man sang 16 ka mga ahensya sang gobyerno nga magatanyag sang nagkalain-lain nga mga serbisyo.
Yara man ang Department of Health para sa mga job seeker nga mabaton gilayon sang employer kag i-require sang medical examination.
Kadungan sang job fair, may yara sang pag- release sang TUPAD Assistance nga nagabalor P264 million para sa kapin 40,000 nga informal workers kag DOLE Integrated Livelihood Program assistance nga nagabalor P34.5 million para sa kapin 1,400 ka mga benepisyaryo.
