Nagapanguna ang tiglawas sang Quezon Province nga si Maria Ahtisa Manalo sa final hot picks sang kadam-an nga pageant media kag fan communities nga gin-release antes ang koronasyon subong nga adlaw.
Si Ahtisa ang top pick sang Pageant Talk, Pageanthology, Sash Factor, amo man sa Missosology.
Heavy favorite ang ginabansagan nga ‘Pambansang Manika’ kasunod sang Top 10 finish sini sa Miss Cosmo global tilt sang 2024.
Ikaduha na niya ini nga balik sa Miss Universe Philippines stage, kag naka-first runner up man sa Miss International pageant sang 2018.
Sa top picks sang Missosology nga gin-release kahapon, lunsay beterana ang sulod sa Top 5 kun sa diin nagapangaduha si Chelsea Fernandez sang Sultan Kudarat, pangatlo si Yllana Aduana sang Siniloan, Laguna, pang-apat si Winwyn Marquez sang Muntinlupa City kag nagapanglima naman si Katrina Llegado sang Taguig.
Balantayan alas sais karon sa gab-i ang pag-umpisa sang finals sang pageant kun sa diin koronahan ni Miss Universe Philippines 2024 kag reigning Miss Universe Asia Chelsea Manalo ang magapangibabaw sa 66 ka mga kandidata.
Ang winner amo ang magatiglawas sang Pilipinas sa Miss Universe 2025 sa Impact Muong Thong Thani Arena sa Bangkok, Thailand sa Nobyembre 21, 2025.
