Gintudlo sang Philippine Navy ang mabaskog nga hampak sang balod nga amo ang rason kun ngaa nagkapan ang decommissioned World War II corvette BRP Miguel Malvar (PS-19).
Ini nga barko amo kuntani ang gamiton nga target vessel nga palugdangon para sa Balikatan exercises sang Pilipinas kag Estados Unidos sang Amerika.
Apang antes pa man ang aktibidad, nauna na ini nga naglugdang sa dagat nga sakop sang San Antonio, Zambales.
“The Balikatan 25 maritime strike target vessel sank off the west coast of the Philippines prior to the event commencing today,” suno kay Philippine Navy spokesman John Percie Alcos. “Due to rough sea conditions … and with its long service life… she took on a significant amount of water and eventually sank,” dugang sini.
Suno sa Navy, naglugdang ang daan nga warship apat ka nautical miles halin sa kun diin kuntani ini naka-posisyon para sa Balikatan.
Wala man sang mga personnel nga nasamaran bangud sa insidente.
Antes man ang pagguyod sang barko sa operational area, napaidalom man ini sa environmental cleaning kag preparation para sa MARSTRIKE.
Una na nga ginpaathag nga ginpili ang BRP Miguel Malvar nga mangin target ship sa aktibidad sang US kag Pilipinas bangud lapaw na ini service life kag indi na nagakadapat para sa normal maritime operations.
Antes ini naglugdang, naka-serbisyo ini sang 81 ka tuig matapos ginlunsar kag ginkomisyon sang 1944.
Sa pihak sang natabo, ginsiling sang Navy nga magapabilin ang MARSTRIKE nga parte sang Balikatan 25 Command Post Exercises kun sa diin iga-rehearse sang Armed Forces of the Philippines kag US joint task forces ang virtual and constructive fire missions.
“The training will integrate ground, maritime, and air-based sensors in a combined joint fire network as the Philippines and US joint task forces exercise command-and-control while exercising combined warfighting capabilities,” suno sa Navy official.#
