Padayon ang pagbomba sang pwersa militar sang Israel sa kapital sang Yemen nga Sanaa.
Ginpahayag nga target subong sang mga atake amo ang Sanaa International Airport.
Antes pa man ang mga pagbomba, ang Israel Defense Forces (IDF) nagpaguwa sang wala pa natabo nga evacuation warning para sa palibot sang nasambit nga airport, isa ka bagay nga wala pa ginhimo sa Yemen, nga lapaw 1,000 miles ang kalayuon halin sa Israel.
Madumduman nga sang lunes,Mayo 5 isa ka Israeli Air Force F-15 fighter jet ang naglupad kag nagluthang sa mga target sang Houthi sa Yemen.
Ginpahibalo man nga ang ini nga mga atake magasunod sa missile attack sang mga Houthi sa Israel, diin isa ka ballistic missile ang nakaigo malapit sa Tel Aviv International Airport sang Domingo.
Nahibaluan nga, ginbomba sang Israel ang pantalan sa Hodeidah kag isa ka cement factory sa Bajil, sidlangan sang Hodeidah, kun sa diin may isa ang patay kag 35 ang pilason sa amo nga insidente.
Nauna na nga gin-atake sang Israel ang Sanaa International Airport sang Disyembre, nga nagtuga sang kamatayon sang tatlo ka tawo kag 30 ang mga nasamaran.
