Naatrasar sang gamay ang pagboto ni House Speaker Martin Romualdez bangud sa pagbisyo sang Automated Counting Machine (ACM).
Nagboto siya ala una subong nga hapon sa V&G de la Cruz Memorial School sa Tacloban City.
Sang gingulo na ang balota sa makina, ginluad ini ukon gin-reject. Tatlo ka beses gid nga gintilawan nga i-feed ang balota; kag sang ulihi, gin-request na ang bulig sang technical staff.
Naghulat pa ang house speaker antes ini ini ginbaton sang balota.
Nahibaluan nga nagapadalagan liwat si Romualdez bilang unopposed candidate sa pagka-kongresista sa 1st District sa probinsya sang Leyte subong nga 2025 midterm elections.
Kaina sang aga, naka-eksperyensya man si President Ferdinand Marcos, Jr. sang slight technical glitch kun sa diin wala man ginbaton sang ACM ang iya una nga paggulo sang balota. Syete minutos ang ginlawig antes nakuha sini ang iya voter receipt.
