Ginkumpirmar sang Japanese Foreign Ministry ang ginahimo sang China nga pagtukod sang bag-o nga estruktura sa East China Sea, sa pihak nga bahin sang median line nga nagatunga sa teritoryo sang Japan kag China.
Ang nasambit nga estruktura may kaangtanan sa resource development sa lugar, nga ginapanan-aw nga may posibilidad nga magdugang sang tensyon sa tunga sang duha ka pungsod.
Bangud sini, si Masaaki Kanai, director-general sang Asian and Oceanian Affairs Bureau sang Japan, nagpanguna sa pagpadala sang isa ka pormal nga reklamo kay Shi Yong, opisyal sang Chinese Embassy sa Japan.
Suno sa mga record, una na nga nagkasugtanay ang Japan kag China nga magbinuligay sa pag-develop sang natural resources sa East China Sea, apang nadula ang tinutuyo nga implementasyon sang kasugtanan bangud sang mga nagkalain-lain nga isyu.
Sa pihak sini, nagapadayon gihapon ang China sa iya development efforts kag subong, ginakumpirmar sang Japan nga may 18 na ka estruktura ang natukod sang China sa amo nga lugar.
