Gina-imbestigaran na sang National Bureau of Investigation (NBI) ang istorya sa likod sang kamatayon sang 10 ka tuig nga bata nga lalaki kasunod sang iya pagpapaltak sa isa ka clinic sa Tondo, Manila.
Una na nagguwa sa report nga ang nagpaltak amo ang isa babaye nga senior citizen nga isa ka midwife kag nagpakuno-kuno nga doctor.
Naaresto na ini sang 2023 matapos ginsulod sang Philippine National Police-Criminal Investigation and Detection Group (CIDG) ang isa ka lying-in clinic sa Balut, Tondo matapos nakabaton sila sang reklamo nga nagapakuno-kuno lang nga doctor ang naga-operate sa clinic.
Ginagamit sang suspek ang ngalan kag license number sang isa ka lehitimo nga doktor nga nakaupod niya sa trabaho sadto. Sang amo nga tion, nakapiyansa ang suspek.
Suno naman kay NBI Director Jaime Santiago, kasunod sang bag-o nga insidente, ginahulat nila ang resulta sang autopsy para sa ila nga pagpangusisa.
Kun maathag na ang rason sang kamatayon sang bata, ipatawag ang ginaalegar nga nagpakuno-kuno nga doctor agud mahibaluan kun ano nga procedure ang iya ginsunod.
Matandaan nga base sa report sang iloy, natabo ang circumcision sang Mayo 17. Ginpahayag sini nga maayo ang kondisyon sang iya bata, apang pagkatapos sang procedure, nagsuprer ini sang malala nga mga kumplikasyon, ginhingagaw-dala sa ospital, apang gindeklarar nga dead on arrival.
