Ginkasuhan sang rape through sexual assault kag attempted rape through sexual assault ang isa ka two-star general sang Armed Forces of the Philippines (AFP).
Ini matapos gin-alegar nga may malain ini nga ginhimo sa duha ka kaangay niya nga soldado sa ila hulot kasunod sang ila pag-inom-inom.
Enero 29 sang natabo ang insidente sa San Fernando Air Base sa Lipa, Batangas.
Base sa complainant, nag-hingyo ang general nga updan siya tulog sa isa ka kuwarto nga wala man nila ginseryoso, apang didto gin-alegar natabo ang ginaalegar nga sexual assault.
Ginpanginwala naman sang general ang alegasyon bangud suno sa iya, kun natabo ini, pat-od nga napierde siya sang duha niya ka kaupdanan.
Nag-avail naman ang complainants sang libre nga legal assistance halin sa Unified Legal Service sang Korte Suprema.
Kumpirmado naman nga gin-relieve ang general sa iya posisyon kag nabutang anay sa restrictive custody sang Philippine Air Force.
Nagguwa sa pagpangusisa sang AFP Office of Ethical Standards and Public Accountability nga may prima facie evidence nga salandigan agud mangatubang ang general sang pre-trial investigation.
Natugyan naman ang inisyal nga probe findings kay AFP Chief-of-Staff General Romeo Brawner Jr. para sa review kag pirma sini.
