Ginpabilin ni President Ferdinand Marcos Jr. ang mga miyembro sang iya economic team kag ginpatuman ang reorganization sa pila ka ahensya sang gobyerno matapos nga ginmanduan niya ang tanan nga Cabinet secretaries nga magpasa sang courtesy resignation.
Suno kay Executive Secretary Lucas Bersamin, magapadayon sa katungdanan ang masunod nga economic managers:
Trade Secretary Maria Christina Roque
Finance Secretary Ralph Recto
DEPDev Secretary Arsenio Balisacan
Budget Secretary Amenah Pangandaman
Special Assistant to the President for Investment and Economic Affairs Secretary Frederick Go
Ginpaathag man ni Bersamin nga magapadayon siya bilang Executive Secretary matapos nga ginpahayag ni Marcos nga may pagsalig siya sa iya.
Ginpahibalo man ni Bersamin ang pila ka pagbag-o sa liderato sang mga ahensya:
Si DFA Secretary Enrique Manalo ang magatal-os kay Ambassador Antonio Manuel Lagdameo bilang Permanent Representative sa United Nations umpisa Agosto 1.
Si Undersecretary Ma. Theresa Lazaro naman ang magatal-os kay Manalo bilang head sang DFA.
Si Energy Secretary Raphael Lotilla ang magatal-os kay DENR Secretary Maria Antonia Yulo-Loyzaga.
Engineer Ramon Aliling ang bag-o nga secretary sang Department of Human Settlements and Urban Development (DHSUD), magatal-os kay Jerry Acuzar, nga himuon nga Presidential Adviser for Pasig River Development.
