Pasakaan sang P130 ang sweldo sang mga existing nga mga Job hires sa syudad sang Iloilo.
Gin-anunsyo ini ni Mayor-Elect Raisa Treñas-Chu kadungan sang ginpatigayon nga Tree Planting Activity sa Sunset Boulevard.
Sa interview sang Bombo Radyo kay Mayor Treñas, ginpahayag niya nga halin sa P450 mahimo na ini nga P580 agud may inugbayad ini sila sa Philhealth Contribution.
Ini lakip man sa health care nga prayoridad sang manugsulod nga alkalde.
Magahalin naman ang funding sa income surplus sang syudad kag improved nga Real Property Taxes (RPT) collection kun sa diin amo ini ang ika-duha sa pinakadako nga source sang revenue sang syudad.
Dugang diri, ang permanent city employees ang makabenepisyo sa implementation second tranche sang Salary Standardization Law (SSL) 6 sugod sa Agosto 2025.
Ang pondo para diri nakuha sa idalom sang Supplemental Budget No.1 para subong nga tuig, nga gin-aprubahan sang Sangguniang Panlungsod sang nagligad nga Abril.
Ginaproseso man ang coverage sang Health Maintenance Organization (HMO) para sa mga regular nga empleyado, sa koordinasyon sang Resource Employees Association of City Hall (REACH).
Nagpasalig man ang alkalde nga ang mga empleyado sang syudad sang nagakaigo nga pag-adjust sang sweldo kadungan sa nagataas nga gasto sa pangabuhi.
