Nakaangkon sang injury ang walo ka mga pasahero kag isa ka crew member sang Ryanair flight sa Germany bangud sa “severe turbulence” nga ginatudlo nga dala sang malain nga panahon.
Tatlo sa ila ang gindala sa ospital sa Memmingen para sa treatment samtang ang iban naman ang ginbulong samtang yara mismo sa area.
Suno sa German police, lakip sa walo nga injured amo ang duha ka tuig nga bata.
Nagpangayo sang pasaylo ang Ryanair sa mga pasahero sang flight nga halin kuntani sa Berlin, Germany kag pakadto sa Milan, Italy. Bangud sa turbulence nga nabatyagan sang 8:30 p.m., nagdesisyon ang piloto nga maghimo sang unscheduled landing sa Memmingen Airport sa Bavaria.
Kabug-usan nga 179 ang mga pasahero kag anum ang crew members nga sakay sang natabo ang turbulence.
Yara sa duha ka tuig tubtub 59-anyos ang edad sang mga pasahero nga nakaangkon sang injuries.
