Nagpagwa sang pahayag ang Miss Universe Organization (MUO) kasunod sang mga huring-huring nga may ginbag-o sa liderato sang organisasyon.
Ginpanginwala sang organisasyon ang mga report nga nagaangkon nga may ginbag-o sa ila executive structure.
Ginpahayag sang organisasyon nga si Anne Jakrajutatip ang padayon nga Chief Executive Officer (CEO) sang Miss Universe Organization, kag si Raúl Rocha ang padayon nga Presidente.
Dugang pa sa pahayag, ang mga ginapalapnag nga tsismis puro alegasyon kag wala sang kamatuoran, kag indi ini nagarepresentar sang matuod-tuod nga kahimtangan ukon direksyon sang organisasyon.
Ginpangabay sang MUO ang publiko kag mga media partners nga magasalig lamang sa ila opisyal kag verified nga mga information para sa husto nga impormasyon.
Sa padayon nga liderato nanday Ms. Jakrajutatip kag Mr. Rocha, ang Miss Universe Organization nagpasalig gihapon sa ila misyon nga hatagan sang gahum ang kababainhan sa bug-os nga kalibutan kag maghatag sang global platform para sa mga tingog sang ambisyon, katuyuan, kag kabag-uhan.
