Gin-dismiss sang International Criminal Court (ICC) Office of the Public Counsel for Victims ang “Defence Challenge with Respect to Jurisdiction” nga ginsumiter sang kampo ni former President Rodrigo Duterte.
Diri nasaad nga luyag sang kampo ni Duterte nga islan ang composition sang Pre-trial Chamber 1 nga magahatag sang ruling sa ila jurisdictional challenge.
Una ginsiling sang kampo ni Duterte nga wala natuman ang mga precondition ukon mga kondisyon antes makagamit sang hurisdiksyon ang ICC sang gin-aprubahan sang Pre-Trial Chamber ang pagbukas sang imbestigasyon sang Setyembre 15, 2021.
Apang suno kay ICC Principal Counsel Paolina Massida, wala sang legal nga epekto ang withdrawal sang Pilipinas bangud nag-umpisa ang preliminary examination sang Office of the Prosecutor antes pa man mangin epektibo ang withdrawal.
Nahibaluan nga gin-withdraw ni Duterte ang Pilipinas sa Rome Statute sang 2018, kag nag-epekto ini sang 2019, matapos naglunsar ang ICC sang preliminary probe sa madugo nga kampanya batuk sa ilegal nga druga sang iya administrasyon.
Sang 2021, nagpahayag ang Korte Suprema nga may obligasyon ang pungsod nga magkooperar sa ICC apisar sang withdrawal sa Rome Statute bangud wala sang epekto ang pagbiya sang pungsod sa criminal proceedings angut sa mga ginaalegar krimen nga natabo sang miyembro pa ang pungsod sa state party.
Matandaan nga gindakop si Duterte kag yara subong sa kustodiya sang ICC sa Hague Penitentiary Institution ukon Scheveningen Prison halin sang Marso subong nga tuig samtang ginahulat ang iya trial.
