Gin-abi abi ni Department of the Interior and Local Government (DILG) Secretary Jonvic Remulla ang 17 Philippine government officials nga nakabalik nga safe sa Pilipinas nagikan sa study tour sa Israel.
“We are just happy that they are safely home. Marami silang pinagdaanan. Talagang 24/7 nakamonitor tayo hanggang sa sila ay makauwi nang ligtas,” suno kay Remulla.
Ang mga delegates ang nagtinir sa Israel umpisa Hunyo 9 tubtob 20, 2025 para sa study tour nga naga-focus sa sustainability kag food security sang natabo ang tensyon sa tunga sang Israel kag Iran.
Pahayag ni DILG Region 6 Regional Director Juan Jovian E. Ingeniero nga isa sa mga opisyal nga upod sa Israel, samtang sakay sila sa bus ginkakibot nila nga may bomba sila nga nabati-an.
10 kilometros lang ang kalayuon sang explosion nagikan sa ila nga ginatiniran.
Kaupod ni Ingeniero amo si DILG Region 1 Regional Director Jonathan Paul M. Leusen, Jr.
Yara man ang presensya sang pila ka mga alkalde kag bise alkalde sang nagkalain-lain nga lugar.
Bangud sa conflict sang duha ka mga pungsod, nagtinir anay sila sa temporary shelter antes gindala sa Jordan.
“Kung kinakailangan na magcharter tayo ng isang PAL o Cebu Pacific flight, gagawin ng ating gobyerno para ligtas silang makauwi sa kani-kanilang mga pamilya,” dugang nga pahayag ni Sec. Remulla para sa mga Filipinos nga yara sa duha ka mga pungsod nga luyag magpauli sa Pilipinas.
