Nakumpiskar ang masobra P1-million nga balor sang illegal nga droga sa isa ka habal-habal driver sa ginpatigayon nga drug buy-bust operation sa Barangay Tipacla, Ajuy, Iloilo sa pagpanguna ni Police Captain John Michael P. Dalipe, Officer-in-Charge sang Ajuy Municipal Police Station.
Ang subject amo si Alyas Bagtik, 42-anyos kag is ka newly identified High-Value Individual (HVI) nga naga-operate sa banwa sang Ajuy.
Base sa report sang Iloilo Police Provincial Office (IPPO), naglab-ot sa duha ka bulan ang pag-monitor diri sang kapulisan kag nadiskubrehan nga nagahalin sa malapit nga mga kabanwhanan ang source sang illegal nga droga kag ginabaligya mismo sa iya banwa.
Na-recover kay bagtik ang 150 grams sang suspected shabu nga may estimated standard drug price (SDP) nga PHP 1,020,000.
Sa subong, yara na sa kustodiya sang kapulisan si Bagtik kag nagapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002.
