Ginpahayag sang Iran nga nagpatigayon ini sang missile attack sa Al Udeid Air Base sa Qatar bilang sabat sa pagpangbomba nga ginhimo sang Estados Unidos sa mga nuclear facilities sang Iran.
Suno sa Iran, ang numero sang mga missile nga ila ginpalupok pareho sa kadamuon sang mga bomba nga ginpanghulog sang Amerika.
Ginpahayag pa sang Iran nga ini nga tikang isa ka pamaagi sang ila intensyon nga indi magpalapad pa sang gamo, kundi ipakita nga may ginasunod sila nga prinsipyo.
Gindugang pa nga ginpili sang Iran nga targeton ang Al Udeid Air Base nga base militar sang US sa Qatar, bangud ini yara sa lugar nga wala gid sang kadam-an nga sibilyan, agud malikawan ang posibilidad sang pagkaulamid sang mga inosente.
Padayon ang kahangawa sa mga pungsod sa Middle East kag sa bug-os nga kalibutan bangud sa posibilidad nga maglala pa ang tensyon sa tunga sang duha ka pungsod.
Padayon ang kahangawa sa mga pungsod sa Middle East kag sa bug-os nga kalibutan bangud sa posibilidad nga maglala pa ang tensyon sa tunga sang duha ka pungsod.
