Nabaton na sang Senate impeachment court subong nga adlaw, Hunyo 25, ang ginpadala sang House prosecution panel nga duha ka proceedings.
Ang duha ka proceedings ang ginsumite ni House Records Management Service Dir. Billy Uy apang indi pa ini ang sabat sang prosekusyon sa answer ad cautelam ukon sabat ni VP Sara Duterte sa gin-isyu nga writ of summons sa iya.
Ang duha ka pleadings ang Manifestation with re-submmission of entry of appearance sang House prosecution team kag isa ka submission sang sertipikasyon nga wala sang may ginlapas ang lower chamber sang Saligang Batas partikular sa one-year bar rule sa pag-file sang impeachment case batok kay Duterte.
Indi ma madetalye ni Senate Secretary Renato Bantug Jr. ang kaundan sang mga pleadings bangud basahon anay ini kag padal-an sang koya ang mga senator-judges.
