Ginbawian gid sang kabuhi ang 67-anyos nga tiya matapos gintiro sang iya hinablos sa Brgy. Nataban, San Carlos City, Negros Occidental.
Ginatudlo nga rason sang krimen amo ang away sa duta.
Base sa imbestigasyon, nagahimos sang panyapon ang biktima sang ginpalapitan sang suspek kag gintiro.
Igo sa agtang kag sag-ang ang naangkon sang biktima nga gintunaan sang iya kamatayon.
Naaresto naman sang kapulisan ang suspek kag nagapangatubang sang kaso nga murder.
Antes ang krimen, ginpahayag nga may inaway sa duta ang pamilya sang biktima kag suspek.
