Ginpatawag sang Department of Foreign Affairs si Chinese Ambassador Huang Xilian may kaangtanan sa imposisyon sang China sang ban batok kay former senator Francis Tolentino nga nangin maisog sa pahayag sini angot sa soberanya sang Pilipinas sa West Philippine Sea.
Ini ang ginpahayag ni Palace Press Officer Undersecretary Atty. Claire Castro kun sa diin ginsiling sini nga gin-summon ang envoy sang nagligad nga Hulyo 4.
Suno kay Castro, ginpahanumdom sang departamento sa ambassador nga bilang demokrasya, ginahatagan gid sang importansya sang Pilipinas ang freedom of expression kag yara sa mandato sang mga senado kag iban nga elected officials nga mag- inquire sa isyu sang national kag public interests.
Nagapabilin naman nga committed ang DFA agud i-address ang mga kinaiya paagi sa diplomasiya kag dayalogo.
Handom man sini nga mapadayon ang constructive engagement kaupod sa China agud maduso ang mutual understanding.
Matandaan nga gindagdagan sang China sang sanctions si Tolentino paagi sa pag-ban sa iya nga magsulod sa mainland, sa Hong Kong, kag Macao bangud sa iya mga pahayag sa mga isyu sa West Philippine Sea nga wala mauyunan sang China.
Gin-anunsyo sang Chinese foreign ministry spokesperson ang sanction isa ka adlaw matapos nagtakop ang termino ni Tolentino bilang senador.
