Nakuhaan sang suspected shabu ang isa ka 11- anyos nga lalaki sa Abada Escay, Barangay Vista Alegre, Bacolod City.
Sa interview sang Bombo Bacolod kay Barangay Kagawad Elizde Bernardino, ginpalapitan nila ang bata kag ginhaboy sini gilayon ang sachets sang suspected shabu nga iya nga ginpulot.
Suno sa kagawad, ginpamangkot nila ang menor de edad kun sa diin sini ginkuha, apang sabat sang bata nga ini ang halin sa basurahan.
Apang wala man nakumpirmar kun sa basurahan gid man nakuha sang bata ang ginapatihan illegal nga droga.
Pahayag pa sang kagawad, nga ang lugar kun sa diin narecover ang sachets sang suspected sa shabu ang kilala naman nga may nagakatabo nga madata nga pagbaligyaanay sang druga.
11 ka sachets sang suspected shabu ang narecover kun sa diin nagabug-at sang kapin sa 5 grams.
Suno sa Barangay Kagawad, ang bata ang residente sang Barangay Sincang Airport apang nagakadto lang sa iya paryente sa Barangay Vista Alegre.
Bulagay naman ang mga ginakanan sang bata.
Ginpatigayon ang turn-over sang sachets sang suspected shabu sa mga kapulisan sa Barangay Hall sang Barangay Vista Alegre.
Nagpanugyan ang Barangay Kagawad sa mga pumuluyo sang Barangay nga mangin mabinantayon bangud ang illegal nga druga ang makaguba sa kabuhi sang mga kabataan.
