Nasapwan na ang bangkay sang isa ka transportation network vehicle services (TNVS) driver nga missing humalin pa sang Mayo.
Ginkumpirma sang National Bureau of Investigation (NBI) ang pagkasapo sa bangkay sang biktima nga si Raymond Cabrera nga ginholdap kag ginpatay sang iya nga mga pasahero.
Nakit-an ini sa kahilamunan sa Bgy. Batitang, Zaragoza, Nueva Ecija.
Nahibaluan nga sang Mayo 18 pa nadula si Cabrera matapos magpasakay sang pasahero malapit sa isa ka casino hotel sa Parañaque City.
Kahapon sang nagsungka ang tatlo ka mga suspek kay Manila Mayor Isko Moreno kag gintudlo nila kun sa diin nila ginhaboy ang lawas sang biktima.
Nagahibi kag nagapangayo naman sang pasaylo ang isa sa mga suspek kag nagsiling nga naghinulsol siya sa ginhimo nga krimen.
