Nagpasa naman sang courtesy resignation si Palace Press Officer Undersecretary Atty. Claire Castro.
Ini ang kasuod sang mando ni Presidential Communications Office (PCO) Acting Secretary Dave Gomez nga dapat magpasa sang courtesy resignations ang tanan nga political appointees sa idalom sang amo nga opisina.
Naghatag si Gomez sang deadline nga Hulyo 18 agud nga makasumite sang unqualified courtesy resignations ang tanan nga appointees nga subject sa “pertinent civil service laws, rules and regulations.”
“This will give [Gomez] the leeway to choose the people he wants to work with at the PCO. Of course, it is better if he is familiar with the people with whom he will be working with,” suno kay Atty. Castro.
Pahayag pa sini, wala man siya sang nabatian nga reklamo sang Palasyo batok sa iya, ukon panawagan nga ipakakas siya sa posisyon. Nagpanginwala man ini nga may mga panawagan nga hagan-haganon niya ang mga ginapanghambal sa daily briefings ukon ang iya pagsabat sa press.
“I think all they expect of me is to deliver the truth. Whatever I know and hold to be true, that is what I will stand for,” suno kay Castro.
Una na nga nagpahayag si Gomez nga ini nga tikang ang kabahin sang “standard transition process.” Ginpahayag man sini nga himuon niya nga prayoridad ang performance audit sa ahensya para mangin patas kag mangin tampad ang serbisyo.
“Until any action is taken by the Undersigned on such courtesy resignations, all Undersecretaries, Assistant Secretaries and Directors of the PCO-Central Office and Heads and other Presidential Appointees of Attached Agencies shall continue to report for work and perform their usual duties and responsibilities, subject to any modification that the new leadership of PCO may deem proper to adopt in the meantime,” kabahin sang memorandum nga gin-isyu sang opisyal.
Nagakahulugan ini nga magapabilin si Castro nga PCO undersecretary magluwas lang kun batunon ni Gomez ang iya paghalin sa pwesto.#
