May yara na sang opisyal nga kasugtanan sanday US President Donald Trump kag President Ferdinand Marcos Jr. tuhoy sa ginpatuman nga taripa sa mga exported nga produkto.
Suno kay Trump, ang tanan nga produkto nga magahalin sa Pilipinas padulong sa Estados Unidos pagadagdagan lamang sang 19% nga taripa, humalin sa una nga plano sini nga 20%.
Sa pihak nga bahin, ang mga produkto nga halin sa US padulong sa Pilipinas hindi na pagbutangan sang taripa, isa ka desisyo nga ginkabig nga pabor sa ekonomiya sang pungsod.
Ginpahayag man ni Trump nga ang pagbisita ni Marcos Jr. sa White House isa ka “makabuluhan” kag may dako nga bili sa pagpabaskog sang relasyon sa tunga sang duha ka pungsod.
Antes sini, ginsiling ni Trump nga bukas siya sa posibilidad nga trade deal upod kay Marcos.
