Suspendido ang trabaho sa gobyerno kag ang mga klase sa tanan nga lebel sa pila ka mga lugar sa subong nga adlaw, Hulyo 23, 2025.
Kasunod ini sang rekomendasyon sang National Disaster Risk Reduction and Management Council sa tunga sang padayon nga pag-ulan tuga sang habagat.
Base sa Memorandum Circular No. 90 halin sa Malacañang, sakop sang suspensyon sang klase kag opisina ang masunod nga mga lugar sa Visayas:
- Iloilo
- Capiz
- Antique
- Aklan
- Guimaras
- Negros Occidental
Ang iban nga mga lugar nga sakop man sang circular amo ang:Metro Manila, Pangasinan, Zambales, Tarlac, Bataan, Pampanga, Bulacan, Cavite, Batangas, Rizal, Occidental Mindoro, Ilocos Norte, Ilocos Sur, La Union, Quezon, Oriental Mindoro, Marinduque, Romblon, Masbate, Sorsogon, Albay, Camarines Sur, Catanduanes, Palawan, Abra, Mountain Province, Ifugao, Benguet, Nueva Vizcaya, Nueva Ecija, kag Laguna
Apang, magapadayon naman ang operasyon sang mga ahensya nga naga-atender sang basic, vital kag health services, amo man ang preparedness kag response duties.
Ang localized cancellation ukon suspension of classes kag trabaho sa government offices sa iban nga rehiyon ang magadepende sa ila Local Chief Executives.
Ang private sector magadepende sa desisyon sang ila mga opisina.
