May yara sang isa ka lalaki gikan sa Hungary ang nakakuha sang bag-o nga Guinness World Record sang nakabisita ini sa 7 ka pungsod samtang nagabisikleta kag sa sulod lamang sang 24 oras.
Ang lalaki amo si David Kovari, kag suno sa iya antes niya ginlibot ang pila ka mga lugar, ginplano pa niya ang mga ruta nga iya pagaagyan sa sulod sang isa ka semana.
Sa iya pagbyahe gamit ang bisikleta, nabisitahan niya ang pito ka mga lugar kag ini ang ginlakipan sang Poland, Czech Republic, Slovakia, Austria, Hungary, Slovenia kag Croatia.
Sa iya pagbyahe, ginasiguro man sini nga indi makaagi sa ma-traffic nga lugar agud nga indi ini siya ma-delay kag makaabot gilayon sa lugar nga iya gina-target.
Wala man ini siya nagalabay sang mga matag-as nga dalan agud nga indi siya madasig nga makabatyag sang hapo.
Si Kovari ang ikaduha kag pinakabag-o nga nakaangkon sang Guinness record matapos nga nabisitahan sa sulod sang 24 oras ang mga pila ka mga lugar.
Ang nauna nga naka-record amo ang German cyclist nga si Michael Moll nga nakabisita man sa anom ka mga pungsod.
