May nakit-an ang National Police Commission (NAPOLCOM) nga probable cause batok sa 12 ka mga pulis nga ginaakusahan nga involved sa kaso sang missing sabungeros.
Ang 12 ka mga pulis ang ginalakipan sang tatlo ka officials kag siyam ka non-commissioned officers.
Bangud sa finding, mapadayon ang administrative case batok sa mga pulis nga mahimo naman mapahalin sa serbisyo.
Base sa report, ginsiling ni NAPOLCOM Investigation and Monitoring director Edman Pares nga ang finding ang ginbase sa affidavit sang whistleblower nga si Julie “Dondon” Patidongan.
Ginpasaka nanday Patidongan kag mga pamilya sang missing sabungeros ang complaint sang nagligad nga semana.
Samtang, ginsiling naman ni NAPOLCOM vice chairperson kag executive officer Atty. Rafael Calinisan nga duha ka grupo ang nagpalapit sa iya agud i- settle ang kaso sang missing sabungeros.
Ini ang natabo antes nag-file sang complaint sanday Patidongan kag ang mga pamilyas.
Base sa report, ginakabig ni Calinisan nga dako nga bulig sa finding ang suporta ni President Ferdinand Marcos Jr. nga una na nagpasalig nga himuon ang tanan agud masolbar ang kaso sang mga missing sabungeros.
