Nakaguwa na si Tropical Depression Fabian sa Philippine Area of Responsibility (PAR) base sa 1 a.m. nga bulletin sang state weather bureau.
Pahayag sang PAGASA, ginalauman nga magaluya ini kag mahimo nga low pressure area (LPA) samtang yara na sa guwa sang Pilipinas.
Ini ang ika-anum nga bagyo nga nagsulod sa PAR subong nga tuig.
Sa pihak nga bahin, padayon ang pag-monitor sang bureau sa Tropical Storm Podul nga mahimo magsulod sa PAR sa tunga-tunga sang Domingo sang gab-i kag Lunes sang aga.
Alas dies kagab-i, nasiplatan si Podul sa kalayuon nga 2,315 km nasidlangan sang Extreme Northern Luzon nga may dala nga kabaskugon sang hangin nga 85 km/h malapit sa sentro kag pagmadlos nga tubtub sa 105 km/h.
Nagahulag ini sa direksyon nga pa-nakatundan naaminhan-nakatundan sa kadasigon nga 15 km/h.
