Patay na sang nasapwan ang lawas sang tinawo ni Albuera, Leyte Mayor Erwin Espinosa matapos ginapatihan nga nagluthang sang iya kaugalingon sa sulod sang balay sang alkalde.
Suno sa report, nagmaoy ang biktima sa sulod sang balay sang alkalde.
Sang amo nga tion, yara sa munisipyo si Espinosa.
Suno sa mga testigo, nagpalupok sang armas ang biktima.
Makaligad ang pila ka minutos, nagsulod ini sa kwarto kag ginkandado.
Gin-istorya pa ini sang iban nga tinawo sang alkalde.
Napilitan naman nga magpauli si Espinosa agud istoryahon ang iya tinawo.
Makaligad ang pila ka minutos, nabatian ang lupok sang pusil.
Didto na ginpilit buksan sang otoridad ang kwarto kag naabtan nga nagahuray-ad ini kag may igo sang bala sa ulo.
Narekober sa iya ang .45 caliber pistol.
Ginapatihan nga nagasuprir sang depresyon ang biktima.
Padayon pa ang imbestigasyon.
