Nagpasaka sang formal complaint ang P-pop girl group nga BINI sa wala pa ginhingadlan nga indibidwal.
Base ini sa screenshot nga gin-share sa social media sang ila legal counsel nga Atty. Joji Alonso, Agusto 14, kun sa diin makit-an ang kabahin sang legal document nga may pangalan sang mga myembro sang BINI sa isa ka unspecified case.
Ang ginlista nga pangalan sang complainants amo sanday Gwenth Apulli, Mariah Queen Arceta, Sheena Mae Catacutan, Mikhaela Janna Lim, Mary Loi Yves Ricalde, Jhoanna Christine Robles, Stacey Aubrey Sevilleja kag Ma. Nicolette Vergara.
Apisar wala ginpakita sa picture ang pangalan sang respondent, madasig ang espekulasyon sang netizens nga posible nga ang internet personality nga si Christian “Xian” Gaza ang ginreklamo.
Sang nagligad nga adlaw, may gin-post ang self-proclaimed “Pambansang Marites na Lalaki” nga naga-target sa isa ka myembro sang BINI.
“Mga Gen Z, okay lang makipag-kanttan as long as gumagamit kayo palagi ng condom upang hindi makabuo. Lalong-lalo na doon sa isang member ng BINI na sobrang palaiyt,” post sini sa social media.
Kilala si Gaza nga self-confessed investment scammer. Sang 2018, na-convict siya sa 11 counts sang paglapas sa Bouncing Check Law nga naangot sa ₱2.6 million investment scheme.
Bantog naman ang P-pop girl group sa mga hits nga “Pantropiko,” “Karera,” “Lagi,” “Huwag Muna Tayong Umuwi,” “Cherry on Top” and “Blink Twice,” kag iban pa.#
