Naglapaw na sa 300 ang numero sang mga napatay sa Pakistan bangud sang mabaskog nga pag-ulan nga nagtuga sang flashfloods kag pagkatiphag sang duta.
Suno sa National Disaster Management Authority, kadam-an sa mga napatay ilabi na sa north-western district ang resulta sang gulpyada nga baha.
Sa 337 nga kumpirmado nga nagtaliwan, 54 ang nasapwan sa Buner nga isa ka nabukid nga lugar sa probinsya sang Khyber Pakhtunkhwa kun sa diin nangin madalom ang baha sang Byernes.
May mga residente pa nga missing sa subong suno pa sa awtoridad.
“We can’t bring back the dead, but what we can do, I pledge will be carried out,” suno kay Ali Amin Gandapur, chief minister sang Khyber Pakhtunkhwa nga nagpasalig sa pagtukod liwat sang infrastructure, maghatag sang kumpensasyon sa mga biktima, kag halinon ang mga pumuluyo sa mas hilway nga lugar.#
