Posible nga may himuon nga cleansing sa Department of Public Works and Highways (DPWH) agud nga makakas ang mga opisyal kag mga personnel nga involved sa mga anomaliya.
Kabahin ini sang ginpahayag ni Public Works Secretary Manuel Bonoan sa tunga sang mga pagpakamalaot nga naangkon sang ahensya bangud sang kurapsyon sa flood control projects.
Suno kay Bonoan, gina-imbestigaran na subong ang mga department officials kag district engineers nga may kahilabtanan sa “ghost” flood control projects.
Ipasaka ang nagakaigo nga kaso suno sa iya kag idagdag man ang sanctions nga magaserbe man nga leksyon sa iban nga indi na pag-ilugon ini nga buluhaton.
“Titingnan namin kung sino ‘yung mga kasangkot dito sa paggawa ng mga inferior at saka ghost projects,” suno sa DPWH chief. “I think we’ll have to file all the necessary cases, sanctions din and let it be a lesson to everybody that we will not allow this kind of thing to happen.”
Dugang sini, “I think we have to cleanse up actually the organization kung kailangan.”
Nahibaluan nga personal gid mismo nga nagapatigayon sang inspeksyon si President Ferdinand “Bongbong” Marcos Jr. sa flood control projects matapos ginmensyonar sa iya State of the Nation Address ang mga government personnel nga nagapangawat sang pondo nga para kuntani sa sini nga mga proyekto.
