Patay ang isa kag 14-anyos nga solterito nga kawatan matapos nga naglupok ang iya dala nga pusil kag naigo ini.
Natabo ang insidente sa Lantapan, Bukidnon.
Suno sa otoridad, ginsulod sini ang isa ka eskwelahan kun sa diin ginkuha niya ang welding machine kag grinder.
Nadakpan ini sang nagabantay sang eskwelahan kag ginlagas tubtob naabtan niya.
Sang nagpukutay ang duwa, naglupok ang .38 caliber revolver sang solterito kag naigo ini sa tiyan.
Gindala pa sa ospital ang solterito apang ginbawian gid sang kabuhi.
Desidido naman ang pamilya sang solterito nga magpasaka sang kaso batok sa guwardiya sang eskwelahan.
Kumbinsido naman ang principal sang buluthuan nga wala sang foul play bangud pila ka beses naman nga nangawat ang solterito sa ila.
