Ginmandu sang Marcos administration ang pag-shutdown sa Siquijor Power Corporation (SIPCOR) nga ginapanag-iyahan sang pamilya Villar.
Ini amo ang nagaserbe nga power provider sa isla sang Siquijor.
Suno kay Energy Secretary Sharon Garin, ginpaguwa sang Energy Regulatory Commission (ERC) ang closure order batok sa SIPCOR bangud sang “multiple violations” sa operational kag regulatory compliance requirements. Gindugang sini nga pigado gid kag mas nagalala ang power situation sa Siquijor bangud sa amo nga power provider.
Nagalawig sang tag-11 ka oras ang brownout sa kada adlaw (average) nga may tuman ka dako nga epekto sa palangabuhian sang mga taga-Siquijor.
Matandaan nga nagbisita si Marcos sa pasilidad sang SIPCOR sang Hunyo 11 kag ginmanduan ang Department of Energy (DOE) kag National Electrificiation Administration (NEA) nga solusyunan ang sulit-sulit nga power interruption sa amo nga isla.
“Malinaw po ang utos ng Pangulo, hinidi katanggap tanggap ang dulot na kawalan sa ekonomiya at pinsala sa kabuhayan ng kapabayaang ito,” suno kay Garin.
Pahayag sang tiglikom, naghulat pa ang gobyerno sang halos duha ka bulan agud nga makaayo sang SIPCOR ang power situation, apang bisan sang tyansa nga ginhatag sa ila, wala sang improvement nga nakit-an.
“Following a NEA [National Electrification Administration] audit of CIPCOR’s generating units ordered by the DOE, it was revealed that the consumers experienced a total of 568 power interruptions, averaging more than 31 outages per month… Every day po, ibig sabihin, may outage po sa Siquijor,” she said. Since January this year, power outages last between 5 to 15 hours, which has pushed the province to declare a state of emergency,” suno sa DOE secretary.
“These failures have interrupted the delivery of essential public services, impacting hospitals and schools. They have also caused disruptions to businesses, especially the tourism sector, which provides a major source of livelihood to the people of Siquijor,” dugang niya. “Sa madaling salita, malinaw po na hindi kaya ng SIPCOR ibigay ang serbisyo na ipinangako nila.”
Ginatun-an man ang legal sanctions nga ipasaka.
Ginpanginwala man sang tiglikom nga isa ini ka akto sang pamulitika.
Matandaan nga nag-upod ang mga Villar sa mga Duterte sa tinalikdan nga midterm elections lakip na si Senator Camille Villar nga sang amo nga tion yara na kuntani sa Alyansa ni Marcos.
Ginpahayag naman sang SIPCOR nga ginatun-an nila subong ang mando sang gobyerno.
“We are currently studying the Order and shall exhaust all remedies available to us under the law,” kabahin sang statement. “We assure our stakeholders and the public of our commitment to address the matter responsibly and resolve this concern as soon as possible.”#
