Ginbuyagyag ni anay Department of Public Works and Highways (DPWH) Secretary Manuel Bonoan nga may natukiban sila nga 15 “non-existent” projects ukon wala gid naka-eksister nga proyekto.
Ini ang nagguwa sa masobra ka 1,600 ka public works projects nga ila gin-validate.
Kadam-an sini ang yara sa 1st District sa Bulacan kag may yara man sa Regions 1, 2, kag 3.
“If you recall, we submitted to the president the report of completed projects from July 2022 to May 2025 of about 9,855 projects and many of these have already been validated in specific areas. And I think, the reports have already been completed and we will be turning over this to Secretary Vince,” suno kay Bonoan.
“As I can recall, I think ang nakita doon, there are actually 15… ’non-existent’ hindi pa naman ‘ghost’, this still going to be validated. Fifteen out of 1,600 projects sites that have been validated,” pahayag sini.
Indi ini ghost projects bangud ang ghost projects suno sa anay tiglikom amo ang gin-report nga ‘completed’ na apang kun lantawon sa aktwal nga lokasyon wala man sang napatindog nga imprastraktura.
May 160 ukon masobra pa nga nga mga lokasyon nga padayon nga gina-validate.
Target naman ni DPWH Secretary Vince Dizon nga matapos ang pagbalasa sini ukon reorganisasyon sa ahensya sa sulod sang duha ka bulan. Sunod ini suno sa iya sang mando sang president nga manglimpyo kag kay-uhon gid ang guba sa DPWH.#
