Nagpasaka sang kaso ang isa ka pasahero sa eroplano matapos naulaan sang mainit nga tsaa sang flight attendant.
Suno sa impormasyon, ang biktima amo si Sean Miller, 56-anyos, taga-Philadelphia,USA kag nagsakay sa Frontier Airlines halin sa Myrtle Beach.
Samtang nagapungko sa eroplano, ginserbehan ini sang mainit nga tsaa sang flight attendant apang hinali lang naula ini kag nagtupa sa iya kinatawo.
Matapos ang insidente, nagbag-o ang duag sang iya kinatawo kag daw nadula ang sensation sini.
Suno pa sa iya, sang gindala siya sa burn center sa Jefferson Medical Hospital sa South Carolina, nagsuprir ini sang long-term physical damage, nerve damage, kag mangin ang iya scrotum ang naapektuhan man.
Dugang niya, nagsuprir man siya sang post-traumatic stress disorder, embarrassment, kag emotional harm.
Dako man nga kwarta ang nadula sa iya bangud napilitan siya nga indi anay magsulod sa trabaho magluwas pa sa iya gasto sa pagpabulong.
Bangud sini, iya gin-file ang kaso sa Eastern District of Pennsylvania kag naga-demand ini sang $150,000 nga bayad halin sa airline company.
