Nakatalana nga mangin labing una nga Italian millennial saint ang solterito nga si Carlo Acutis.
Patigayunon na bwas nga adlaw, Setyembre 7 ang cannonization ni Pope Leo XIV sa Vatican nga siya ang ulihi nga tikang para mangin Santo ang isa ka tawo.
Si Acutis ang napatay bangud sa leukemia sang 2006 sa edad nga 15.
Ginakabig sang Vatican ang solterito bilang “Cyber Apostle” samtang ang iban ang “God’s Influencer”.
Ginbun-ag sa London si Carlo sang Mayo 3, 1991 kun sa diin ang mga magulang sini ang Italian kag nagdako ini sa Milan.
Napatay ini sa sakit sa Monza, Northern Italy.
May ikasarang ang ila pamilya apang nangin relihiyoso si Carlo kun sa diin sa bata nga edad sini nagatambong siya adlaw-adlaw sa misa.
Ginabuligan niya ang mga bata nga nabiktima sang bullying kag ang mga wala sang puluy-an nga ginadal-an niya sang pagkaon kag sleeping bag.
Gingamit niya ang iya talento sa computer para ipalapnag ang Catholic beliefs sa online kun sa diin naghimo siya sang digital exhibition sang Milagro.
Ginkilala sang Vatican ang duha ka Milagro nga natabo matapos mapatay si Acutis nga siya ang importante nga rason para mangin isa ka santo.
