Wala sang pagbag-o sa kahimtangan sang impeachment case batok kay Vice President Sara Duterte samtang ginahulat pa ang desisyon sang Supreme Court (SC) sa mga gin-file nga motion for reconsideration (MR).
Ini ang suno kay Senate President Vicente “Tito” Sotto III.
Sa bulan sang Agosto, ginbotohan sang Senado sa idalom sang liderato ni anay Senate President Chiz Escudero nga i-archive ukon ibutang sa records ang articles of impeachment batok kay Duterte, kasunod sang desisyon sang Supreme Court nga nagdeklarar nga unconstitutional ang impeachment process.
Apang ginpahayag ni Sotto nga dapat pa hulaton ang desisyon sang SC sa motion for reconsideration nga gin-file sang Office of the Solicitor General (OSG), bilang representante sang House of Representatives.
Nagapabilin nga naka-archive ang impeachment case samtang nagapadayon ang legal nga proseso.
