Ginhingyo sang kampo ni anay Presidente Rodrigo Duterte kay Presidente Ferdinand Marcos nga tugutan ini nga makabalik sa Pilipinas kun naaprubahan ang interim release nila sa International Criminal Court (ICC).
Suno kay Atty. Nicholas Kaufman, padayon ang pagluya sang ikaayong lawas sang anay presidente nga naapektuhan ang abilidad sini para mahangpan sang madalom ang mga ebidensiya.
Dugang pa ni Kaufman nga tugutan ni Marcos ang pagbalik sa pungsod ni Duterte para sa patas nga hearing tubtob sa pagtakop sang proceedings.
Matandaan nga humalin pa sang Marso, yara na sa kustodiya sang ICC ang 80-anyos nga anay presidente kag sang Agosto, naghingyo sila sang interim release sa wala ginpangalanan nga pungsod.
