Gintawag ni Pasig City Mayor Vico Sotto nga habitual liars ang mag-asawa nga Discaya nga tag-iya sang mga construction firm nga involved sa maanomaliya nga flood control projects.
Suno kay Mayor Vico, kilala na ang mga Discaya sa lokal nga politika kag construction circles sang siya ang una nga nagpungko bilang mayor.
Ginsiling niya nga madamo na sang huring-huring tuhoy sa mga transaksyon sang mga Discaya apang ginlimitahan niya ang iya nga testimonya sa mga butang nga personal niya nga naobserbahan.
Gintumod man niya nga ang mga imbestigasyon kag report sang damlag lang ang nagbuyagyag kun ano kadalom ang pagpang-ugat sang construction empire sang mga Discaya.
Dugang niya, halos tanan nga kompaniya ang may mga pending deficiency sa tax sa Bureau of Internal Revenue (BIR) kag mangin sa local government.
