Ginpabilib na naman sang Filipino-American singer kag 9 months pregnant nga si Jessica Sanchez ang mga hurado kag ang iya mga taga-suporta matapos sini nga ginkanta ang Golden Hour para sa semi finals sang America’s Got Talent.
Gindayaw naman sang mga hurado nga sanday Sofia Vergara, Simon Cowell, Mel B kag Howie Mandel ang talento sang Filipina-American nga suno sa ila ginpili sini ang insakto nga kanta, kag may kaangid sini ang tingog ni Mariah Carey.
Dugang pa sang mga hurado nga ang tingog sini isa ka magical kag moment performace para kay Jessica ang amo nga tion sang pagpakigbahin sang iya talent.
Ginpalab-ot naman nila ang pagkagusto nila kay Jessica nga suno sa ila madamo sang nagadayaw kag nagakagusto sa Filipina-American Singer.
Nahibaluan nga nakabaton sang golden buzzer ang filipina American singer sang siya pulo ka tuig ka pa lamang kag nangin runner up sang American Idol season 11.
