Naghina pa ang Super Typhoon Nando kag nagahana na nga magguwa sa Philippine Area of Responsibility (PAR).
Base sa alas singko sa aga nga weather bulletin, ulihi nga nakit-an ang sentro sang mata sang bagyo sa 265 km nakatundan ang Calayan, Cagayan.Dala sini ang kabaskugon sang hangin nga 185 km/h malapit sa sentro kag pagmadlos nga tubtub sa 230 km/h.
May mga lugar sa gihapon sa Luzon nga napaidalom sa mga wind signal.
SIGNAL NUMBER 3:
Ilocos Norte, the northwestern portion of Apayao, and the northwestern portion of mainland Cagayan lakip na ang western portion of Babuyan Islands
SIGNAL NUMBER 2:
Batanes, the rest of Babuyan Islands, the northern and central portions of Cagayan, the rest of Apayao, Abra, Kalinga, the western portion of Mountain Province, Ilocos Sur, and the northern portion of La Union
SIGNAL NUMBER 1:
The rest of Cagayan, Isabela, Quirino, Nueva Vizcaya, the northern and central portions of Aurora, the rest of Mountain Province, Ifugao, the rest of Benguet, the rest of La Union, Pangasinan, the northern portion of Zambales, the northern and central portions of Tarlac, and the northern and central portions of Nueva Ecija
Gina-forecast nga magahulag ang bagyo pa-nakatundan naaminhan-nakatundan tubtub nga magguwa ini sa PAR subong nga aga. Kun makaguwa na sa PAR, magaliso ini pa-nakatundan buwas pakadto sa direksyon sang southern China.
Ginalantaw sang weather bureau nga magahina ang bagyo sa bilog nga forecast period samtang nga yara ini sa West Philippine Sea.
Sa pihak nga bahin, may yara sang gina-monitor nga LPA sa guwa sang PAR kag may mataas nga tyansa nga mahimo nga bagyo sa masunod nga 24 oras. Ulihi ini nga nakit-an sa kalayuon nga 1,220 km nasidlangan sang Eastern Visayas.
Magpadayon sa pagbantay sa weather updates halin diri sa Bombo Radyo Iloilo.
