Gintudlo ni anay Senate President Francis “Chiz” Escudero si anay House Speaker Martin Romualdez nga amo ang mastermind sa mga akusasyon batok sa iya kag sa iban pa nga mga senador nga involved sa flood control scandal.
Sa iya privilege speech sa plenary session sang Senado kun sa diin naglantaw kag nagpamati si Vice President Sara Duterte, nagpahayag si Escudero nga si Romualdez ang sa likod sang sini nga script kag pati sang pag-ilinaway nga nagakatabo subong.
“Iisang tao lamang ang nasa likod ng script at sarswelang ito. Siya ang dahilan ng kaguluhan, pag-aaway, pagkakawatak-watak na ngayo’y yumayanig sa ating bayan maprotektahan lamang ang sarili niya. Ang pangalan niya ay matagal nang bulung-bulungan sa bawat sulok ng bansa pero ngayon unti-unting nang sinisigaw ng taumbayan,” pahayag sang anay Senate leader.
Gin-play pa sini ang video kun sa diin nagasinggit ang mga manugprotesta nga kawatan si Romualdez.
Kasunod ini sang pag-tag sang pila ka mga indibidwal kay Romualdez bilang isa man sa konektado sa flood control anomalies. Lakip sa nag-implicate sa iya amo ang mag-asawa nga Discaya kag ang “surprise witness” ni Senator Rodante Marcoleta nga si Orly Regala Guteza.
Sa “script” naman ni Romualdez suno kay Escudero, ginaliso sini ang atensyon sang publiko, agud sa baylo nga magtutok sa mga congressman, ang mga senador ang basulon kaangay sa iya, former Senate president pro tempore Jinggoy Estrada kag former Senate majority leader Joel Villanueva.
Nagwangal man si Chiz kun ngaa kulang ang hulag sang gobyerno partikular sang Department of Justice, National Bureau of Investigation, ukon sang Anti-Money Laundering Council kag kun ngaa wala gid gina-mensyonar ang pangalan sang anay House speaker.
Dugang sini: “Ganito ba katindi ang kapangyarihang hawak ni Martin Romualdez, na bagaman hindi siya speaker, tila ‘the name that cannot be mentioned’ pa din siya, at nagagawa pa rin niya ang nais niya kaugnay sa isang mapamiling hustisya o selective justice.”
“Tila pilit na ginagawang panakip butas, ika nga, at fall guy at dibersyon ang mga senador palayo sa Kamara at sa mga tunay na may sala,” dugang niya.
Gin-akusaran man ni Escudero si Romualdez nga naggamit sang flood control funds nga may label nga “for later release” agud mapilit ang mga myembro sang Kamara nga magpirma sang impeachment complaint batok kay Vice President Sara Duterte.
Suno kay Escudero, ginhimo ini ni Romualdez bisan nga nakahibalo siya nga wala na sang bastante nga tion ang Senado nga aktuhan ang impeachment complaint antes magtakop ang 19th Congress.
Antes ini nga privilege speech, gin-implicate man ni former Department of Public Works and Highways (DPWH) undersecretary Roberto Bernardo si Escudero sa flood control scandal.
Ginbuyagyag sini nga nagbaton si Escudero sang P30 million nga election campaign donation halin sa contractor.#
