Ginbawian sang kabuhi ang isa ka engineer sang Department of Public Works and Highways (DPWH) matapos nga nagbunggo ang ginamaneho sini nga kotse sa isa ka backhoe sa Zamboanga City.
Ang biktima amo si Engineer Farad Abduraup nga assigned sa isa ka road construction project sa lugar.
Natabo ang insidente sang Sabado sa construction site sa diversion road sang Brgy. Mercedes sa amo nga syudad.
Suno sa mga trabahador, madasig ang dalagan sang salakyan sang biktima kag wala natalupangdan ang warning signal kag nagbunggo sa isa ka naka-park nga backhoe.
Nag-angkon ang biktima sang mga pilas sa lawas kag gindala sa ospital apang gindeklarar nga dead-on-arrival.
