Nagpasugot ang Department of Agriculture (DA) sa pag-import sang pula kag puti nga mga bombay amo man sang carrots.

Suno kay DA Secretary Francisco Tiu Laurel Jr., tuyo sini nga tikang nga mapabilin nga estable ang presyo sa lokal nga mga merkado.

Nagsaka suno sa tiglikom ang presyo sang pula nga bombay sa P140-P160 kada kilo sang nagligad nga duha ka semana kag nakit-an nga sobra-sobra ini.

Pahayag sini kadungan sang 47th Meeting sang ASEAN Ministers on Agriculture and Forestry, gintugutan niya nga mag-abot ang imports antes ang inisyal nga target nga Oktubre 15.

Nagalab-ot sa 3,000-5,000 ang import volume para sa red onions.

Nagsugod naman ang importasyon sang white onions sang nagligad nga bulan kag suno sa tiglikom, nagnubo na sa P100-P120 ang presyo subong halin anay sa P160 kada kilo.

Nag-umpisa naman sang Oktubre 1 ang importasyon sang carrots halin sa China, Netherlands, kag Cambodia.