Ginpaguwa na sang oil companies ang pinal nga price adjustment para sa kerosene, diesel, kag gasolina para subong nga semana.
Epektibo buwas sang aga, magasaka sang P0.20 ang presyo sang kada litro sang gasolina kag kerosene; kag magataas naman sang P0.80 sa kada litro sang diesel.
Ini na ang pang-pito nga sunod-sunod nga semana nga may pagsaka sa presyo sang diesel kag kerosene.
Una na nga ginpahayag sang Department of Energy-Oil Industry Management Bureau (DOE-OIMB) nga lakip sa mga factor nga ginalantaw sa adjustment sang presyo ang pagpatuman sang Estados Unidos sang Amerika sang bag-o nga sanctions sa Iran.
Magluwas diri, may kahangawa man sa sobra-sobra nga global supply bangud sa natalana nga pagpasaka sang Organization of the Petroleum Exporting Countries kag ila partners sang production levels sang krudo.#
