Pormal nga ginbaton ni Luis Antonio Cardinal Tagle ang iya Titular Diocese, ang Suburbicarian See of Albano, sa isa ka solemne kag espirituhanon nga seremonya kahapon nga adlaw, Oktubre 12.
Ini pinaagi sa papal Bull halin kay Pope Leo XIV, nga opisyal nga nag-appoint kay Cardinal Tagle bilang Cardinal Bishop sang Albano, isa ka mataas nga pagkilala sa iya kinaadman, katutom, kag masanag nga serbisyo bilang Pro-Prefect sang Dicastery for Evangelization.
Ang Diocese sang Albano isa sa pito ka sinauna nga suburbicarian dioceses sa palibot sang Roma nga masami ginahatag lamang sa mga Cardinal Bishops nga may pinakamataas nga ranggo sa College of Cardinals.
Present man sa seremonya ang lokal nga obispo sang Albano nga si Bishop Vincenzo Viva, mga pari, kag mga myembro sang Filipino community sa Roma.
Suno sa Pontificio Collegio Filippino, may tatlo ka obispo, duha ka kardinal, kag kapin 100 ka mga pari ang nagtambong sa misa.
Gin-appoint si Cardinal Tagle sa Diocese sang Albano matapos mabakante ang pwesto sang gin-appoint si Cardinal Robert Prevost bilang Pope Leo XIV sang Mayo.
Pormal nga ginhatag kay Tagle ang titulo sang Mayo 24, bilang kahalili sang Santo Papa.
